ՀՀ նախագահի ընտրության ընթացքում՝ այսօր, ՀՀ ոստիկանությունը ստացել է 70 ահազանգ. ԿԸՀ տեղեկատվական կենտրոնում կայացած մամուլի ասուլիսի ընթացքում հայտարարեց ՀՀ ոստիկանության իրավաբանական վարչության պետ, ոստիկանության գնդապետ Թաթուլ Պետրոսյանը:
Նա տեղեկացրեց, որ հարուցվել է 2 քրեական գործ՝ մեկը Էրեբունիում, իսկ մյուսը Շենգավիթում՝ երկուսն էլ ուրիշի փոխարեն քվեարկելու հատկանիշներով:
70 ահազանգերից 25-ը գրանցվել է Երևանում, իսկ 45-ը՝ մարզերում: Դրանցից 22-ը եղել են ընտրակաշառքի մասին:
Ստացվել են նաև այնպիսի տեղեկություններ, որոնք վերաբերել են ընտրատեղամասերում ոստիկանների իրականացրած ծառայություններին, սակայն ուսումնասիրությամբ պարզվել է, որ այդ հայտարարություններն իրականությանը չեն համապատասխանում:
No comments:
Post a Comment