Եգիպտոսի Արաբական Հանրապետությունը կիրակի օրը հայտարարել է, որ ճանաչում է Կոսովոյի անկախությունը, երբ Կոսովոյում նշում են Սերբիայից անկախացման 5-րդ տարեդարձը, РИА Новости-ի փոխանցմամբ, հայտնում են Կոսովոյի ԶԼՄ-ները:
Այս հայտարարությունը հնչել է Պրիշտինայում Կոսովոյի վարչապետ Հաշիմ Տաչիի և Եգիպտոսի նախագահի օգնական Պակինամ Հասան Խալիլ Շարկավիի հանդիպումից հետո: Վերջինս Կոսովո էր ժամանել տոնակատարություններին մասնակցելու համար:
Շարկավին հայտնել է, որ Կահիրեն Կոսովոյի հանդեպ բաց դռների քաղաքականություն է վարում, իսկ երկու երկրները «գտնվում են դրական հարաբերությունների կառուցման ու փոխըմբռնման ուղու վրա»:
2008-ի փետրվարի 17-ին ԱՄՆ-ի և Եվրամիության մի շարք երկրների աջակցությամբ Կոսովոյի ալբանական իշխանությունները անկախություն հռչակեցին Սերբիայից: Մինչ օրս Կոսովոն ճանաչել է շուրջ 30 պետություն:
No comments:
Post a Comment