Popular Posts

Monday, February 4, 2013

Գեղարքունիքի մարզի Ծովագյուղ համայնքում օձի տարին լավ չի սկսվել: Ծովագյուղի դաշնակցական համայնքապետ Գևորզ Թովմասյանը «Ժողովուրդ»-ի հետ զրույցում մտահոգվել է. «Զբաղված ենք թաղումներով: Անընդհատ մարդ է մահանում: Այսօր էլ հինգերորդին ենք թաղել: Հինգն էլ ծերեր են եղել: Հինգ ձայն էլ կորցրինք»: Թերթի հարցին, թե գյուղի բնակիչները գալիք նախագահական ընտրություններին ում օգտին են հակված քվեարկելու, պատասխանել է. «Մեր պրեզիդենտին կընտրենք, քանի որ մեր դպրոցը վերանորոգել է, գույք է տվել, գազ է քաշել»: Այսպիսով` թեև դաշնակցականներն առաջիկա նախագահական ընտրություններին բացառել են իշխանության թեկնածուին աջակցելը, այնուամենայնիվ, կուսակցության ներկայացուցիչ Գևորգ Թովմասյանն իր «ձայնը տալու է» Սերժ Սարգսյանին: Թերթը փորձել է ՀՅԴ խմբակցության քարտուղար Աղվան Վարդանյանից պարզել, թե կուսակցությունն այդ դեպքում ինչ կանի, վերջինս ասել է. «Մենք ունենք կանոնագիրք, ունենք կուսակցության որոշում և դրանից բխող հետևանքներ»:
Posted by at

No comments:

Post a Comment

Subscribe to: Post Comments (Atom)