«Օջախ» ռեստորանում ընթացող ՀՀ հավաքական թիմերի մարզիկների և մարզիչների պարգևատրման ամանորյա հանդիսության սկզբում ներկաներին ողջունեց Օլիմպիական կոմիտեի նախագահ Գագիկ Ծառուկյանը, ով ասաց, որ 2011թ. սպասողական տարի էր, ուստի մարզիկները խնայեցին իրենց ուժերը գալիք տարվա համար, քանի որ առջևում են օլիմպիական խաղերը, և նա հույս հայտնեց որ Լոնդոնում Հայաստանը կունենա ցանկալի արդյունքներ։
Ինչպես հաղորդում է ArmSport.am-ի թղթակիցը, հայ մարզիկների ունեցած հաջողություններում Գագիկ Ծառուկյանը կարևորեց ՀՀ նախագահ Սերժ Սարգսյանի դերը։ Ծառուկյանն անդրադարձավ նաև միջոցառմանը ներկա ՀՀ երկրորդ նախագահ Ռոբերտ Քոչարյանին։
Այնուհետև ելույթ ունեցավ Սերժ Սարգսյանը՝ նշելով, որ համամիտ չէ Գագիկ Ծառուկյանի հետ, թե 2011-ը սպասողական տարի էր. «Տարին հաջող էր, որի վառ ապացույցը ֆուտբոլի նկատմամբ ժողովրդի կողմից առկա վերաբերմունքն է»։ Նա ընդգծեց, որ նույնիսկ ֆուտբոլից հեռու և անտեղյակ մարդիկ այսօր տալիս են Հենրիխ Մխիթարյանի և Յուրա Մովսիսյանի անունը ինչը մեծ ձեռքբերում է։
ՀՀ նախագահը խոսեց նաև շախմատի հավաքականի՝ աշխարհի չեմպիոն դառնալու մասին։ Նախագահը հույս հայտնեց, որ հաջորդ տարի օլիմպիական խաղերում Հայաստանը կունենա ոսկե մեդալ։
ՀՀ նախագահը խոսեց նաև շախմատի հավաքականի՝ աշխարհի չեմպիոն դառնալու մասին։ Նախագահը հույս հայտնեց, որ հաջորդ տարի օլիմպիական խաղերում Հայաստանը կունենա ոսկե մեդալ։
Նախագահի կողմից դրամական պարգևներ ստացան մի շարք մարզիկներ, որոնց թվում էին Ռոման Ամոյանը, Արսեն Ջուլֆալակյանը, Հռիփսիմե Խուրշուդյանը, Արայիկ Միրզոյանը, Մուսա Մուրթազալիևը. Արթուր Ալեքսանյանը, Աղասի Աղասյանը, Վլադիմիր Սարուխանյանը, Հարություն Մերդինյանը, Ռոբերտ Հովհաննիսյանը, Կարեն Գրիգորյանը, Հովհաննես Գաբուզյանը, Տիգրան Հարությունյան, Արման Միքաելյան, Զոհրակ Ապրեսյան և այլոք։
2011թ. Հայաստանի լավագույն մարզիկների տասնյակում ընդգրկված մարզիկները պարգևատրվեցին ավտոմեքենաներով։ ՀՀ օլիմպիական կոմիտեի նախագահը հուշանվերներ հանձնեց Սերժ Սարգսյանին և Ռոբերտ Քոչարյանին։
Միջոցառման ժամանակ ուշադրության կենտրոնում էր այն սեղանը, որտեղ նստած էին Գագիկ Ծառուկյանը, նրա կողքին՝ Հենրիխ Մխիթարյանը, սպորտի նախարար Արթուր Պետրոսյանը, Արարատյան հայրապետական թեմի առաջնորդ Նավասարդ արքեպիսկոպոս Կճոյանը և Ռոման Ամոյանը, նրանց դիմաց՝ Սերժ Սարգսյանը, Ռոբերտ Քոչարյանը, վարչապետ Տիգրան Սարգսյանը, Արսեն Ջուլֆալակյանը։
Լավագույն 10 մարզիկներից միջոցառմանը ներկա չէին միայն Յուրա Մովսիսյանը և Լևոն Արոնյանը, ովքեր Հայաստանում չեն։
Մեդալներ հանձնվեցին մարզաշխարհի մի շարք ներկայացուցիչների։ Միջոցառմանը ներկա բազմաթիվ հյուրերի թվում էին նաև ՀՖՖ նախագահ Ռուբեն Հայրապետյանը և ազգային հավաքականի գլխավոր մարզիչ Վարդան Մինասյանը։
Մեդալներ հանձնվեցին մարզաշխարհի մի շարք ներկայացուցիչների։ Միջոցառմանը ներկա բազմաթիվ հյուրերի թվում էին նաև ՀՖՖ նախագահ Ռուբեն Հայրապետյանը և ազգային հավաքականի գլխավոր մարզիչ Վարդան Մինասյանը։
No comments:
Post a Comment