Վրաստանի ապագա նախագահն աշխատելու է կառավարական գրասենյակում: Ինչպես հաղորդում է Грузия Online-ը՝ այս մասին լրագրողներին հայտնել է Գեորգի Մարգվելաշվիլին՝ հավելելով, որ դեմ է, որ նախագահի նստավայրը շատ մեծ լինի:
Նորընտիր նախագահը նշել է, որ ավլաբարյան նստավայրի վրա ծախսված գումարները պետք է վերադարձվեն ժողովրդին:
«Ես քաղաքական խորհրդում հանդես եմ եկել առաջարկությամբ, որպեսզի այնտեղ համալսարան լինի, դրանից հետո ես խոսել եմ նախարարի հետ, և մենք որոշել ենք, որ այնտեղ պետք է լինի վրաց-ամերիկյան համալսարանը, որը կբացվի հաջորդ տարի»,-ասել է Մարգվելաշվիլին:
Մարգվելաշվիլին նշել է, որ ուրախ կլինի, եթե այս նորաոճ շենքն օգտագործվի վրաստանյան ուսանողների և կրթության համար:
No comments:
Post a Comment