ՀՀ ԱԺ նախագահ՝ Հովիկ Աբրահամյանի մոտ երեկ բավականին լարված խորհրդակցություն Է տեղի ունեցել: Հ. Աբրահամյանը ՀՀ վարչապետ Տիգրան Սարգսյանին, ՀՀ արդարադատության նախարար Հրայր Թովմասյանին, ԱԺ Պետաիրավական հարցերով մշտական հանձնաժողովի նախագահ Դավիթ Հարությունյանին, ՀԱԿ պատգամավորներ Լևոն Զուրաբյանին ու Նիկոլ Փաշինյանին, ՀՀԿ-ական պատգամավորներ Կորյուն Նահապետյանին ու Վարդան Այվագյանին իր մոտ խորհրդակցության Էր հրավիրել պարզելու, թե ինչո՞ւ են ՀԱԿ պատգամավոր Նիկոլ Փաշինյանին արգելել տեսակցելու «Նուբարաշեն» ՔԿՀ- ում գտնվող Շանթ Հարությունյանին ու մյուս կալանավորվածներին:
«168 ժամ» պարբերականը գրում է, որ սակայն խորհրդակցության ժամանակ «Ձերբակալված և կալանավորված անձանց պահելու մասին» օրենքի համապատասխան հոդվածի հետ կապված բուռն բանավեճ Է ծավալվել Հրայր Թովմասյանի և Դավիթ Հարությունյանի միջև:
Արդարադատության նախկին նախարար Դ. Հարությունյանի կարծիքով Ն.Փաշինյանը որպես պատգամավոր, անարգել կարող Է մուտք գործել նաև կալանավորի խուց, իսկ արդարադատության ներկայիս նախարար Հ. Կարապետյանի կարծիքով չի կարող:
No comments:
Post a Comment