Հայաստանի խորհրդարանի պետաիրավական հանձնաժողովի նախագահ Դավիթ Հարությունյանն անցյալ շաբաթ պաշտոնական հայտարարություն է արել սահմանադրական փոփոխությունների նախագիծ պատրաստելու մասին: Նա ասել է, որ ի թիվս այլ փոփոխությունների՝ քննարկվում է խորհրդարանական կառավարման համակարգի անցնելու հարցը:
Մի քանի օր անց ԱԺ նախագահ Հովիկ Աբրահամյանն Արմավիրում հայտարարել է, թե Դավիթ Հարությունյանին ճիշտ չեն հասկացել: Նա ասել է, որ նման քննարկումներ խորհրդարանում չեն անցկացվել, իսկ Դավիթ Հարությունյանի հայտարարությունն արվել է այլ համատեքստում: Նրա կարծիքով, ներկայիս կիսախորհրդարանական մոդելը բավական նորմալ աշխատում է:
Հովիկ Աբրահամյանը, ճիշտ է, չի բացառել, որ հարցը քննարկվելու է: Սակայն նրա հայտարարությունը նշանակում է, որ նա այնքան էլ չի աջակցում կառավարման խորհրդարանական ձեւին անցնելու մտադրությանը եւ Սերժ Սարգսյանի վարչապետ դառնալու հնարավորությանը:
Դավիթ Հարությունյանը դժվար թե իր սենսացիոն հայտարարությունն ինքնագլուխ աներ: Այն ամենայն հավանականությամբ համաձայնեցված էր, սակայն ոչ Հովիկ Աբրահամյանի հետ, ում տեղյակ չէին պահել ապագա ծրագրերին:
Հայաստանի քաղաքական ուժերն այս հարցում հայտնվել են բավական երկիմաստ իրավիճակում: Բանն այն է, որ խորհրդարանի վերջին ընտրությանը նրանք հայտարարում էին կառավարման խորհրդարանական մոդելին անցնելու անհրաժեշտության մասին: Ներկայում նրանցից ոմանք հայտարարում են, որ այս մտադրությունն ուղղված է Սերժ Սարգսյանի ինքնապահպանմանը: Սակայն նրանք չեն հայտարարել՝ արդյոք քվեարկելու են սահմանադրական փոփոխությունների դեմ:
Հովիկ Աբրահամյանն ասում է, թե ներկայիս կառավարման համակարգն էլ վատ չէ: Բայց չէ՞ որ ստանձնելով ԱԺ նախագահի պաշտոնը, նա խոստացել էր բարձրացնել խորհրդարանի դերը: Երեւում է, նա հասկանում է, որ խորհրդարանի նոր դերի պայմաններում ինքը կարող է կորցնել իր դերը: Բացի այդ, հօդս է ցնդում վարչապետ դառնալու նրա վաղեմի երազանքը:
Սույն բլոգը Հայաստանի ներքին և արտաքին կյանքին վերաբերող տեղեկատվության վերլուծության հնարավորություն ընձեռող նախագիծ է: Այն բաց է ներքին և արտաքին այնպիսի հարցերի քննարկման համար, որոնք ունեն էական նշանակություն Հայաստանի քաղաքացիների և պետության համար, ինչպես նաև ունեն քաղաքական կամ հասարակական բնույթ: Այն բաց է բոլոր անձանց համար և ուղղված է վերը նշված որևէ հարցի ըստ էության քննարկմանը, առկա թերությունների բացահայտմանը, քննադատությանը և հնարավոր լուծումների որոնմանը:
Popular Posts
-
Այս տարի արտահանման ծավալները 22-25% ավելանում են գումարային առումով, թեկուզ և դա հանքահումքային և գյուղոլորտի ապրանքների շնորհիվ է: Հայր...
-
Ամերիկյան հեղինակավոր The New York Times պարբերականն անդրադարձել է Nabucco խողովակաշարի շուրջ վերջին զարգացումներին, հատուկ շեշտելով, որ դր...
-
ՀՀ նախագահ Սերժ Սարգսյանն այսօր աշխատանքային այցով մեկնել է Մարսել: Ինչպես հաղորդում է «Մեդիամաքս» գործակալությունը, ՀՀ նախագահը վաղը` դեկ...
-
«Օջախ» ռեստորանում ընթացող ՀՀ հավաքական թիմերի մարզիկների և մարզիչների պարգևատրման ամանորյա հանդիսության սկզբում ներկաներին ողջունեց Օլիմպի...
-
Հատուկ քննչական ծառայության կայքէջում հրապարակվել է 2008 թվականի մարտի 1-2-ին մայրաքաղաքում տեղի ունեցած դեպքերի առթիվ ՀՀ հատուկ քննչական ...
-
Ըստ Հանրապետություն կուսակցության քաղխորհրդի անդամ Սմբատ Այվազյանը` - Տարվա սկզբից հույսը շատ մեծ էր, որ մենք կարողանալու ենք երկրում փոփոխ...
-
2011թ. հունվարից–նոյեմբեր ընկած ժամանակահատվածում Հայաստանում ազգային արժույթի նկատմամբ դոլարի պաշտոնական փոխարժեքը 5,05 տոկոսով աճել է։ Ին...
-
Գագիկ Ծառուկյանը, ինչպես և սպասվում էր, ոչ միայն ճանապարհել, այլև դիմավորել է Վիետնամից վերադարձած Սերժ Սարգսյանին: «ԲՀԿ-ում գտնում են, որ ...
-
Այն բանից հետո, երբ Իսրաելի պաշտպանության նախարարությունը որոշել է Թուրքիայի լիցենզիան չերկարաձգել, և ըստ այդմ թուրքական բանակին չվաճառել ի...
-
Ամերիկացի միակ զինվորականը, ով մեղադրվում էր Իրաքի պատերազմի ժամանակ ավելի քան երկու տասնյակ անզեն մարդկանց սպանելու մեջ, երեքշաբթի օրը կա...
No comments:
Post a Comment