Իրանական լրատվամիջոցները հայտնում են , որ Օրմուզի նեղուցի մոտակայքում իրանական ռազմածովային ուժերի զորավարժությունների անցկացման շրջանում ամերիկյան ավիակիր հարվածային նավերի խումբ է նկատվել:
«Մեր հետախուզական օդանավը վարժանքների հատվածում նկատել է ամերիկյան ավիակիր», - հայտնել է զորավարժությունների ներկայացուցիչը:
Նա շեշտել է, որ օդանավը տեսա և լուսանկարել է խումբը և ենթադրվում է, որ ավիակիրը «Ջոն Ստեննիս» նավն է:
Երեքշաբթի օրը Իրանը սպառնացել էր փակել Օրմուզի նեղուցը նավթի արտահանման համար, եթե միջազգային հանրության կողմից պատժամիջոցներ կիրառվեն Թեհրանի նկատմամբ, սև ոսկու արտահանման հարցում: Ինչին ի պատասխան, Բահրեյնում տեղակայված ամերիկյան 5-րդ նավատորմի հրամանատարությունը հայտարարել էր, որ կանխվելու է նեղուցում նավագնացության խոչընդոտման ցանկացած փորձ:
No comments:
Post a Comment