Միջազգային խոշոր սկանդալ է ծագել այն բանից հետո, երբ Վաշինգտոնի Պարսից ծոցի երկրների ինստիտուտի կողմից թարգմանվել է Սաուդյան Արաբիայի կրթուրյան նախարարության կողմից տպագրված դասագիրքը:
Դասագրքում երեխաներին բացատրվում է, թե համաձայն շարիաթի օրենքների ինչպես պետք է ճիշտ անդամահատել գողի ձեռքերը կամ ոտքերը:
Դասագրքի հեղինակները նաև երեխաներին սովորեցնում են, որ անհրաժեշտ է վերացնել հրեաներին և համասեռամոլներին:
Կանայք դասագրքում նկարագրված են որպես թույլ և անպատասխանատու արարածներ:
Ինստիտուտի տնօրեն Ալի էլ-Ահմեդը ասել է` «Սկզբից դուք ավելի քան 6 միլիոն երեխաների նման բաներ եք սովորեցնում: Նրանց կյանքի կարևորագույն տարիներին ուղեղները այդ բաներով եք լցնում, իսկ հետո զարմանում եք, թե որտեղից են այդքան շատ սաուդյան ինքնասպան ահաբեկիչներ իհայտ գալիս»:
MIGnews-ը հաղորդում է, որ Վաշինգտոնում Սաուդյան Արաբիայի դեսպանատունը չի ցանկացել դասագրքի վերաբերյալ մեկնաբանություններ տալ:
No comments:
Post a Comment