Կովկասի մահմեդականների վարչության ղեկավար Ալլահշուքյուր Փաշազադեն Ֆրանսիայի Ազգային ժողովի կողմից Հայոց ցեղասպանությանբ ժխտումը քրեականացնող օրինագծխի ընդունման առնչությամբ դիմել է Ֆրանսիայի նախագահ Նիկոլա Սարկոզիին և ֆրանսիացի պատգամավորներին։
Ինչպես հաղորդում է ադրբեջանական Anspress.com կայքը, Փաշազադեն հայտարարել է, որ այդ որոշումն ուղղված է ոչ միայն Թուրքիայի, այլև Ադրբեջանի դեմ, և կասկածի տակ է դնում Կովկասում հակամարտությունների խաղաղ կարգավորման հնարավորությունը։
«Քաղաքական գործիչների և կրոնական ծայրահեղականների հայտարարությունները երբեմն պատճառ են դարձել, որպեսզի մարդիկ միմյանց դեմ հանցանք գործեն։ Շատ լավ քրիստոնեական պատվիրան կա՝ «Մի դատիր, որ չդատվես», ցավոք սրտի, ժողովրդավարության և եվրոպական մշակույթի օրան համարվող Սենատը (հավանաբար նկատի ունի Ազգային ժողովը) խիստ հակասական և վտանգավոր որոշում ընդունեց»,–նշել է Փաշազադեն։
Մահմեդականների հոգևոր առաջնորդը հավելել է, որ այդ օրինագիծը հենվում է կեղծիքի, պատմության խեղաթյուրման վրա և ուղղված է ազգամիջյան երկպառակտություն հրահրմանը։ «Սա հստակ հակաժողովրդավարական օրենք է, որը սահմանափակում է մարդու խոսքի և մտքի ազատության իրավունքը։ Եթե ֆրանսիացի խորհրադարանականներն արդարության նման ջատագովներ են, ապա ինչու իրենց ձայնը չբարձրացրեցին 1992թ. Խոջալուում ադրբեջանցիների ցեղասպանության ժամանակ»,–ասել է նա։
No comments:
Post a Comment