Հայ Յեղափոխական Դաշնակցություն և «Ժառանգություն» կուսակցությունների համատեղ հայտարարությունը.
«Հայ Յեղափոխական Դաշնակցություն եւ «Ժառանգություն» կուսակցությունները 2008-2011թթ. նախաձեռնեցին Ընտրական օրենսգրքի իրական եւ արմատական բարեփոխմանն ուղղված քայլեր` Ազգային ժողովի կողմից համապատասխան փոփոխություններն ընդունելու նպատակով:
Վերահաստատելով դրանց ամբողջական իրականացման ուղղությամբ մեր պատրաստակամությունը եւ կարեւոր նշանակություն տալով ընտրական գործընթացների նկատմամբ լայն վերահսկողության ապահովման համար ուժերի համադրմանը, ստեղծված պայմաններում հանդես ենք գալիս հետեւյալ համատեղ հայտարարությամբ.
- կարեւորելով Հայաստանի ապագայի համար առաջիկա խորհրդարանական ընտրությունների բացառիկ նշանակությունը եւ դրանց արդյունքների հանդեպ հասարակության վստահության մեծացումը,
- նշելով, որ ՀՅԴ-ի եւ «Ժառանգության»` ցայժմ ԱԺ-ում ներկայացված եւ ԵԽԽՎ Վենետիկի հանձնաժողովի փորձաքննությանն ուղարկված առաջարկություններում ամփոփված են ընտրական իրավունքի պաշտպանության գաղափարի շուրջ միավորված մի քանի տասնյակ հասարակական կազմակերպությունների` ՀՀ Ընտրական օրենսգրքի բարեփոխման վերաբերյալ առաջարկները,
- ապահովելու համար պատգամավորական բոլոր մանդատների համարժեքությունն ու համապետականությունը եւ մեծացնելու քաղաքական ուժերի պատասխանատվությունը ընտրական գործընթացի ու խորհրդարան մուտք գործող անձանց համար,
- խնդիր ունենալով յուրաքանչյուր ընտրողի համար մեծացնել սեփական իշխանությունները ձեւավորելու հարցում իր քվեի նշանակությունը,
- ձգտելով հասնել հավասար մրցակցային պայմանների ապահովմանը,
- նվազեցնելու համար ընտրական գործընթացների վրա ոչ քաղաքական եւ ոչ ընտրական գործոնների ազդեցությունը,
- ազատ եւ արդար ընտրություններ անցկացնելու հարցում ընտրությունների նախաշեմին հասնելու համար քաղաքական բոլոր ուժերի համախոհությանը,
«Ժառանգություն» եւ Հայ Յեղափոխական Դաշնակցություն կուսակցությունները.
- Ողջունում են խորհրդարանական եւ արտախորհրդարանական ուժերի վերջերս հայտարարած դիրքորոշումը` ազատ ու արդար ընտրությունների կազմակերպման եւ վերահսկման հարցում:
–Ազգային ժողովի մեծամասնությանն առաջարկում են Ընտրական օրենսգրքում համատեղիրականացնել մեկ կոնկրետ փոփոխություն, այն է` վերացնել մեծամասնական ընտրակարգը` անցում կատարելով 100 տոկոսանոց համամասնական ընտրակարգի, եւ գտնում են, որհամաձայնելով այս քայլին, իշխանությունները ցույց կտան իրենց պատրաստակամությունն ու քաղաքական կամքը` նախընտրական շրջանում ընդդիմության հետ համատեղ երկրում ձեւավորելուներհասարակական հանդուրժողականության եւ համերաշխության մթնոլորտ:
- Կոչ են անում բոլոր քաղաքական ուժերին` պաշտպանել այս նախաձեռնությունը:
«Ժառանգություն» կուսակցության վարչություն
Հայ Յեղափոխական Դաշնակցություն կուսակցության Գերագույն Մարմին»
ՀՌԱԿ Հանրապետական Վարչությունը ողջունում է ՀՅԴ և «Ժառանգություն» կուսակցությունների համատեղ հայտարարությունը գալիք ԱԺ համապետական ընտրություններին մեծամասնական ընտրակարգը վերացնելու և 100 տոկոս համամասնական ընտրակարգի անցնելու առաջարկը: ՀՌԱԿ ղեկավարությունը ուրախ է, որ 2003 թվականից ՀՌԱԿ Հանրապետական Վարչության 100 տոկոս համամասնական ընտրակարգի անցնելու առաջարկությունը այսօր համախոհների մեծ «բանակ» է հավաքում, սակայն ազգային շահերին ծառայող իրական քաղաքակական համակարգ ձևավորելը պահանջում է, որպեսզի ԱԺ պատգամավորները ԱԺ տարածքից դուրս օժտված չլինեն անձեռնմխելիությամբ: Հետևաբար համոզված ենք, որ 100 տոկոս համամասնական ընտրակարգը, «ընկերակցելով» անձեռնմխելության մասնակի վերցման հետ, կբերի քաղաքական համակարգի կայացմանը և ընտրական գործընթացների որակի բարձրացմանը:
No comments:
Post a Comment