Միացյալ Նահանգների Կոնգրեսի Ներկայացուցիչների պալատը երեքշաբթի օրը ընդունել է թիվ 306 բանաձեւը, որը Թուրքիայի իշխանություններին կոչ է անում վերադարձնել հայկական, հունական եւ ասորական եկեղեցիներից բռնագրավված ունեցվածքը: Այդ մասին հաղորդում է Վաշինգտոնի Հայ դատի գրասենյակը։
Բանաձեւը պաշտոնական Անկարային նաեւ հորդորում է վերջ տալ կրոնական խտրականությանը, երկրի կրոնական փոքրամասնություններին թույլատրել առանց սահմանափակման պատարագներ մատուցել ու այլ կրոնական ծեսեր անցկացնել:
Հինգ ամիս առաջ Ներկայացուցիչների պալատի արտաքին հարաբերությունների հանձնաժողովը հաստատել էր բանաձեւի տեքստը։
Բանաձեւի հեղինակներն են Կալիֆորնիայից ընտրված հանրապետական Էդ Ռոյսն ու նույն նահանգը ներկայացնող դեմոկրատ Հովարդ Բերմանը: Բերմանը քվեարկությունից առաջ հայտարարել է, թե այս կարեւոր բանաձեւն ուշադրություն է հրավիրում Թուրքիայի վերաբերմունքի վրա, որը չի հարգում Անատոլիայի հին քրիստոնեական ժառանգությունը։ Թուրքիան պետք է անհապաղ քայլեր ձեռնարկի քրիստոնյա եկեղեցու իրավասությունները եւ լիիրավ ազզատությունները վերականգնելու համար, ասել է նա։
Ամերիկայի Հայ դատի հանձնախմբի ատենապետ Քեն Խաչիկյանը, անդրադառնալով Թուրքիայի վարչապետ Ռեջեփ Էրդողանի դիմադրությանը, հայտարարել է, որ բանաձեւի քվեարկությունը կրոնական ազատության հզոր հաղթանակն է, ինչպես նաեւ արտացոլում է համաձայնություն, որ Թուրքիան պետք է վերադարձնի եկեղեցիները։ Խաչիկյանն անդրադարձել է նաեւ Հայոց ցեղասպանության ճանաչման անհրաժեշտությանը։
Քվեարկությունից մի քանի ժամ առաջ թուրքամետ կոնգրեսականները փորձել են արգելափակել բանաձեւը, սակայն` անհաջող։
Վաշինգտոնում Թուրքիայի դեսպան Նամիք Թանը հայտարարել է, թե Միացյալ Նահանգների Կոնգրեսի Ներկայացուցիչների պալատի ընդունած բանաձեւն ընդդեմ Թուրքիայի անարդար է եւ անհիմն։
Բանաձեւը պաշտոնական Անկարային նաեւ հորդորում է վերջ տալ կրոնական խտրականությանը, երկրի կրոնական փոքրամասնություններին թույլատրել առանց սահմանափակման պատարագներ մատուցել ու այլ կրոնական ծեսեր անցկացնել:
Հինգ ամիս առաջ Ներկայացուցիչների պալատի արտաքին հարաբերությունների հանձնաժողովը հաստատել էր բանաձեւի տեքստը։
Բանաձեւի հեղինակներն են Կալիֆորնիայից ընտրված հանրապետական Էդ Ռոյսն ու նույն նահանգը ներկայացնող դեմոկրատ Հովարդ Բերմանը: Բերմանը քվեարկությունից առաջ հայտարարել է, թե այս կարեւոր բանաձեւն ուշադրություն է հրավիրում Թուրքիայի վերաբերմունքի վրա, որը չի հարգում Անատոլիայի հին քրիստոնեական ժառանգությունը։ Թուրքիան պետք է անհապաղ քայլեր ձեռնարկի քրիստոնյա եկեղեցու իրավասությունները եւ լիիրավ ազզատությունները վերականգնելու համար, ասել է նա։
Ամերիկայի Հայ դատի հանձնախմբի ատենապետ Քեն Խաչիկյանը, անդրադառնալով Թուրքիայի վարչապետ Ռեջեփ Էրդողանի դիմադրությանը, հայտարարել է, որ բանաձեւի քվեարկությունը կրոնական ազատության հզոր հաղթանակն է, ինչպես նաեւ արտացոլում է համաձայնություն, որ Թուրքիան պետք է վերադարձնի եկեղեցիները։ Խաչիկյանն անդրադարձել է նաեւ Հայոց ցեղասպանության ճանաչման անհրաժեշտությանը։
Քվեարկությունից մի քանի ժամ առաջ թուրքամետ կոնգրեսականները փորձել են արգելափակել բանաձեւը, սակայն` անհաջող։
Վաշինգտոնում Թուրքիայի դեսպան Նամիք Թանը հայտարարել է, թե Միացյալ Նահանգների Կոնգրեսի Ներկայացուցիչների պալատի ընդունած բանաձեւն ընդդեմ Թուրքիայի անարդար է եւ անհիմն։
No comments:
Post a Comment