Պաշտոնանկությունները հասան Անձնագրային եւ վիզաների վարչություններ

թեեւ ոստիկանության պետ Վովա Գասպարյանը հայտարարել էր, թե Անձնագրային եւ վիզաների  վարչությունում կադրային փոփոխությունը ռոտացիոն սկզբունքով է լինելու, սակայն արդեն կան պաշտոնանկություններ: Աշխատանքից ազատվել է Անձնագրային եւ վիզաների վարչության Մալաթիա-Սեբաստիայի բաժնի պետ Գոհար Ստեփանյանը: Թերթին հասած տեղեկություններով` որոշ բաժանմունքներում եւս սպասվում են պաշտոնանկություններ:  Ի դեպ, ոստիկանության պետի հրամաններով օրերս փոխվել են նաեւ ճանապարհային ոստիկանության բոլոր մարզերի հաշվառման քննական ստորաբաժանումների (ՄՌՈ) պետերը: «Վերադառնալով Անձնագրերի եւ վիզաների գլխավոր վարչությանը` նշենք, որ կադրային փոփոխություններին զուգահեռ` Վլադիմիր Գասպարյանը ճիշտ կանի մի սրբագրիչի հաստիք էլ ավելացնի այստեղ` պաշտոնական կայքը խմբագրելու համար: Պաշտոնական կայքի «Հաճախ տրվող հարցեր» եւ այլ բաժիններում բառերը, մասնավորապես` երկրի անվանումը գրված են վրիպակով` «Հայստանի հանրապետություն», ինչը տեքստերում կարելի է հանդիպել այնքան, որքան օգտագործվում  է բառը: