հրաժարական է ներկայացրել Կադիլակ Սերոժ

Երեկ հրաժարական է ներկայացրել Շենգավիթ վարչական շրջանի ղեկավար Սարգիս Հովհաննիսյանը (Կադիլակ Սերոժ)։ Երևանի քաղաքապետ Տարոն Մարգարյանն արդեն ընդունել է հրաժարականը։ Նրան փոխարինելու է Շենգավիթի նախկին թաղապետ, այժմ ԱԺ պատգամավոր Մարտին Սարգսյանի եղբայրը՝ Արմեն Սարգսյանը, ով այժմ Երևանի քաղաքապետարանի առևտրի և սպասարկումների վարչության պետն է։ Հնարավոր է հրաժարականը կապված լինի Երևանի նախկին քաղաքապետ Կարեն Կարապետյանի հրաժարականի հետ։ Թեև անձամբ Հովհաննիսյանը հերքեց այդ փաստը։ «Բոլոր քաղաքապետերին էլ հարգել եմ, բայց ամենաշատը հարգել եմ Կարեն Կարապետյանին, խարիզմատիկ պաշտոնյա էր, բոլորի կողմից հարգված։ Բայց հիմա որոշել եմ գնամ, հանգստանամ։ Հո ժառանգական չի՞ աթոռը»՝ հավելելով, որ անկախ ամեն ինչից՝ Սերժ Սարգյանի հրամանով պատրաստ է աշխատել անգամ որպես ամենահեռավոր գյուղի գյուղապետ։