300-ից ավելի մարդ այսօր Գերմանիայի նախագահի նստավայրի մոտ բողոքի ակցիա է անցկացրել: Ինչպես հաղորդում է ռուսական Vz.ru կայքը, հավաքվածները նախագահի դեմ ուղղված կարգախոսներ են վանկարկել և պահանջել են նրա հրաժարականը: Բողոքի ակցիայի մասնակիցները նաև կոշիկներ են պարզել, ինչը, հատկապես, արաբական աշխարհում ատելության և անհարգալից վերաբերմունքի նշան է:
Գերմանիայի նախագահը սկանդալի կենտրոնում հայտնվեց այն բանից հետո, երբ հայտնի դարձավ, որ նա վարկ է վերցրել՝ 500 հազ. եվրո արժողությամբ տուն գնելու համար: Այդ վարկը նա վերցրել էր Էդիտ Գերկենսից՝ ձեռնարկատեր Էգոն Գերկենսի կնոջից: Քրիստիան Վուլֆն այդ վարկը վերցրել էր այն ժամանակ, երբ ինքը Ներքին Սաքսոնիա հողի վարչապետն էր: Իսկ կրակի վրա յուղ լցրեց հատկապես այն տեղեկությունը, թե իբր նախագահը փորձում է ճնշում գործադրել գերմանական «Բիլդ» թերթի վրա, որպեսզի այն այդ վարկի առնչությամբ մանրամասներ չհրապարկի:
No comments:
Post a Comment